معـذور وجه مـرايتك لو تشـظّى

من كثر ما اهــديته ذنـوب ورزايا!

واونـس بصــدره نار ضيـمٍ تلظّى 

ما الومــها لو جـرّحتــك الشظايا

ما الومها لو عضّـت النـاب عضـّا

وانته مثـل ما انتـه نديـم المـرايا

حطمتها .. استغفر او قـم توضّا

تتـساقــــط الأدران مـنّك عــرايا!

إن ما كساها الليل ليتك ترضّى 

سنا جبين الصبح باحدى الزوايا

يجـبر عــزا وجـه المرايا تشظّى 

وش ذنبـها لو جرّحتك الشظـايا!